कामना सेवाको एक्सटेन्सन काउन्टर बानेश्वर बहुमुखी क्याम्पसमा

काठमाडौं , पुस १० । कामना सेवाको एक्सटेन्सन काउन्टर बानेश्वर बहुमुखी क्याम्पसमा विस्तार भएको छ । कामना सेवा विकास बैंक लिमिटेडले  आफ्नो सेवा विस्तारको क्रममा काठमाडौं स्थित बानेश्वर बहुमुखी क्याम्पसमा विस्तारीत शाखा (एक्सटेन्सन काउन्टर) स्थापना गरि कारोबार सुरु गरेको छ ।

बैंकका तर्फबाट अध्यक्ष सुदीप आचार्य तथा क्याम्पसका तर्फबाट प्रा।डा। घमान सिंह खड्काले संयुक्त रुपमा विस्तारीत शाखाको उद्घाटन गरेका छन् ।

अब यस क्याम्पसमा अध्ययनरत विद्यार्थीहरुले क्याम्पसमा लाग्ने सम्पूर्ण शुल्क तथा दस्तुर विस्तारीत शाखाबाटनै भुक्तानी गर्नसक्नेछन् । साथै कामना सेवाका अन्य ग्राहकहरुले पनि यस एक्सटेन्सन काउन्टरबाट बैकिङ्ग कारोबार गर्न सक्नेछन् ।

सार्वजनिक बिदा बाहेकका दिनहरुमा ग्राहकहरुले यो काउन्टरबाट बिहान ७ : ३० बजे देखी दिउँसो ३ बजे सम्म कारोबार गर्न सक्ने बैंकले जनाएको छ ।