स्थगित भएको सेयर बजार सवा पाँच बजेसम्म खुल्ने

काठमाडौं , भदौ २८ । स्थगित भएको सेयर बजार आज (आइतबार) सवा ५ बजेसम्म खुल्ने भएको छ । टीएमएसमा समस्या आएपछि कारोबार स्थगित भएको थियो ।

सो समस्या समाधान भएकाले अब बजार फेरि सवा २ देखि सवा ५ बजेसम्म खुला रहने सूचना नेप्सेले जारी गरेको छ ।

बिहान ११ बजे नियमित समयमा खुलेको बजार केही बेर कारोबारपछि टीएमएसमा समस्या आएकाले कारोबार रोक्का भएको थियो । नेप्सेको सिस्टममै पटक पटक समस्या आउँदा लगानीकर्ताको सम्पत्ति जोखिममा पर्न सक्नेछ ।