पुजारी हत्याको विरोधमा राप्रपा विद्यार्थी संगठनद्वारा काठमाडौंमा प्रदर्शन , १२ विद्यार्थी प्रक्राउ
काठमाडौं , भदौ १२ । रौतहट हनुमान मन्दिरका पुजारी हत्याको विरोधमा राप्रपा सम्बद्ध राष्ट्रिय प्रजातान्त्रिक विद्यार्थी संगठनले घटनाको सत्यतथ्य छनबिन सहित हत्यारालाई कडा कार्बाहिको माग गर्दै प्रदर्शन गरेको छ ।
प्रदर्शनमा सहभागी संगठनका केन्द्रिय अध्यक्ष महेश सिंह लगायत १२ विद्यार्थी नेता कार्यकर्तालाई प्रहरीले नियन्त्रणमा लिएको छ ।प्रदर्शनमा घटनाको सत्यतथ्य छानबिन गर, हत्यारालाई कार्बाही गर, हिन्दुत्व माथिको प्रहार बन्द गर, धर्म निरपेक्षता खारेज गर जस्ता नारा लगाईएको थियो ।
राप्रपा नेता राजाराम बर्तौलाका अनुसार प्रहरिले विद्यार्थी अध्यक्ष महेशबहादुर सिंह, बरिष्ठ उपाध्यक्ष निराजन बम पक्राउ परेको जानकारी दिए । त्यस्तै चेतराज सिंह, विमल ऐडी, महेश ओझा, बिजय शाही, आरके सिंह, किसान जोशी, राजकुमार थापा, राम धामी, नरेश मोर, निराजन सहित १२ विद्यार्थी नेता कार्यकर्ताहरूलाई पक्राउ गरि दरबारमार्ग प्रहरी चौकिमा राखिएको उनले बताए। बर्तौलाले पक्राउ परेकाको तत्काल रिहाको माग गरेका छन् ।
यसैबीच राप्रपा अध्यक्ष कमल थापाले सो प्रदर्शनका लागि आफ्नो विद्यार्थी संगठनका नेताहरुलाई धन्यवाद दिएका छन्।
उनले ट्विटमा भनेका छन्, ‘स्याबास! निर्दोष पुजारी हत्याको विरोध तथा हत्यारालाई कारवाहीको माग गर्दै प्रतिकुल परिस्थितिका वावजुद राष्ट्रिय प्रजातान्त्रिक बिद्यार्थी संगठनले सांकेतिकरूपमा भएपनि प्रदर्शन गर्न सक्षम भएकोमा। पक्राउ परेका बिद्यार्थीहरूलाई तत्काल रिहा गरियोस्।’
प्रतिक्रिया दिनुहोस्