बालुवाटारमा ओली, प्रचण्ड र नेपालको छलफल जारी , ठोस निकास निस्कएिला त आज ?
काठमाडौं, साउन १ । नेपाल कम्युनिस्ट पार्टी (नेकपा) भित्र रहेको विवादलाई समाधान गर्न तीन नेता छलफलमा जुटेका छन्। अध्यक्षद्वय केपी शर्मा ओली, पुष्पकमल दहाल र बरिष्ठ नेता माधव नेपाल छलफलमा जुटेका हुन्।
नेताहरुको विवादका कारण जारी स्थायी कमिटी बैठक पनि स्थगित छ। दाहाल(नेपाल समूहले ओलीको राजीनामा माग गर्दै आएका छन्। स्थायी कमिटी बैठकमा पनि ३० जनाले ओलीले पदबाट राजीनामा दिनुपर्ने धारणा राखेका छन्।
तर प्रधानमन्त्री समेत रहेका ओलीले राजीनामा बाहेक सबै विषयमा छलफल गर्न सकिने बताउँदै आएका छन्। स्थायी कमिटी बैठक अगाडि सहमति निकाल्ने भन्दै शीर्ष नेताहरु छलफलमा जुटेका हुन्। यस अघि नेताहरुबीच छलफल चले पनि निकास निस्कन सकेको छैन। निर्णायक वार्ता बस्ने भन्दै तीन नेता छलफलमा जुटेका हुन्।
पछिल्लो समय स्थायी समिति बैठक स्थगित गरेर दुई अध्यक्ष केपी शर्मा ओली र पुष्पकमल दाहाल ‘प्रचण्ड’ बीचमात्र छलफल भइरहेकोमा बिहीबारको बैठकमा बरिष्ठ नेता माधवकुमार नेपाल पनि सहभागी भएको स्रोतले बताएको छ।
प्रधानमन्त्री ओलीको राजीनामा माग्नेमा प्रचण्ड र नेपाल एउटै खेमामा छन्। पछिल्लो समय एक साताका लागि स्थगित भएको स्थायी समिति बैठक बस्नु अघिल्लो दिन भइरहेको तीन नेताहरूको छलफलले केही परिणाम निकाल्ने अपेक्षा गरिएको छ।
नेकपामा प्रचण्ड(नेपाल पक्षधरले प्रधानमन्त्रीको कार्यशैलीप्रति असन्तुष्टि जनाउँदै उनले अध्यक्ष र प्रधानमन्त्री दुबैबाट राजीनामा दिनुपर्ने बताउँदै आएका छन्। प्रधानमन्त्री ओली भने दुबै पद नछोड्ने अडानमा छन्।
दुबै पक्षका अडानबीच सहमतिको बिन्दु के हुन सक्छ भनेर दुई अध्यक्षबीच यसअघि पटकपटक भएका छलफलबाट निष्कर्ष निस्किएको थिएन।
प्रतिक्रिया दिनुहोस्