रुसद्वारा उत्तर कोरियालाई २५ हजार टन गहुँ सहयोग

काठमाडौं, जेठ २ । रुसले मानवीय सहायताका रूपमा उत्तर कोरियालाई २५ हजार टन गहुँ पठाएको छ । प्योङयाङस्थित रूसको दूतावासले फेसबुक पोस्टका माध्यमबाट उत्तर कोरियालाई गरिएको सहयोगबारे जानकारी सार्वजनिक गरेको छ ।

फेसबुक पोस्टमा रुसी दूतावासले जहाजको चालक दललाई क्वारेन्टाइनमा राखिएको र बन्दरगाहको एक छुट्टै स्थानमा गहुँ उतारिएको उल्लेख गरेको छ ।

संयुक्त राष्ट्रसंघले अप्रिलमा प्रकाशित गरेको एक प्रतिवेदनमा झन्डै एक करोड उत्तर कोरियाली नागरिक खाद्य सामग्रीको गम्भीर अभावको सामना गरिरहेको उल्लेख थियो ।

उत्तर कोरियामा खाद्य आपूर्तिको संकट कोरोना भाइरसको प्रकोपका कारण भएको हो वा अन्य कारणले हो भन्नेबारे केही खुलेको छैन । यद्यपि, उत्तर कोरियाले आप्mनो मुलुकमा कोरोना भाइरस संक्रमित नभएको दाबी गरिरहेको छ । (बीबीसी