सभामुखको काङ्ग्रेसलाई आग्रह – अदालतमा गएको विषय उठाएर संसद् अवरुद्ध नगर्नुस्

Jagaran News
Published On : 9 February, 2020 3:12 pm

काठमाण्डौ , माघ २६ । नेपाली कांग्रेसले तिन पटक संसद अवरुद्ध गरिसकेको छ । आज पनि बैठक अवरुद्धका कारण स्थगन हुन पुग्यो । उपसभापति विजयकुमार गच्छदारको बचाउ गर्दै प्रमुख प्रतिपक्ष दल कांग्रेसले संसद अवरुद्ध गर्दै आएको हो ।

यैसैबीच सभामुख अग्निप्रसाद सापकोटाले अदालतमा गएको विषय उठाएर संसद् अवरुद्ध नगर्न काङ्ग्रेसलाई आग्रह गरेका छन् । काङ्ग्रेसले आइतबारको संसद् बैठक पनि चल्न नदिएपछि सभामुखले यस्तो आग्रह गरेका हुन् ।

सभामुख सापकोटाले आइतबारसमेत गरी तीन पटकसम्म बैठक अवरुद्ध भएको भन्दै बैठकलाई जीवन्त राख्न र चलायमान बनाउने सबैको उद्देश्य हुनुपर्ने भन्दै बैठक सञ्चालनमा सहयोग गर्न काङ्ग्रेसलाई आग्रह गरे ।

संवैधानिक निकायले गरेको निर्णयमा प्रतिनिधिसभाले केही गर्न नसक्ने भन्दै सभामुख सापकोटाले यो विषय अदालतमा गएकाले संसदबाट केही गर्न नसकिने उनले बताए ।

ललिता निवास जग्गा प्रकरणमा अख्तियार दुरुपयोग अनुसन्धान आयोगले राजनीतिक प्रतिशोधका आधारमा मुद्दा दायर गरेको भन्दै काङ्ग्रेसले प्रतिनिधिसभा बैठक अवरोध गर्दै आएको छ ।

प्रतिक्रिया दिनुहोस्
jagarannews