ओली- प्रचण्ड र देउवाबीच बालुवाटारमा छलफल, के विषयमा हुँदैछ ?

काठमाडौँ । सत्तारुढ नेपाल कम्युनिष्ट पार्टी (नेकपा) र प्रमुख प्रतिपक्षी दल नेपाली कांग्रेसका शीर्ष नेताबीच अहिले बालुवाटारमा छलफल भइरहेको छ।

प्रधानमन्त्री तथा नेकपाका अध्यक्ष केपी शर्मा ओली अर्का अध्यक्ष पुष्पकमल दाहाल र कांग्रेस सभापति शेरबहादुर देउवाबीच छलफल भइरहेको छ ।

नेताहरुबीच समसामयिक राजनीतिक विषयमा छलफल भइरहेको बताइएको छ ।

यसअघि शीर्ष नेताहरुको छलफलले सत्यनिरूपण तथा मेलमिलाप आयोग र बेपत्ता पारिएका व्यक्तिको छानबिन आयोगका पदाधिकारीको नाम टुङ्गो लगाएको थियो । आइतबार बस्ने प्रतिनिधिसभाको बैठकमा सभामुखको चयन हुँदैछ ।

बैठकमा सभामुखमा अरु कसैको उम्मेद्वारी नपरेकाले अग्नि सापकोटा निर्विरोध चयन भएको घोषणा हुनेछ ।