मुख सम्हालेर बोल भन्दै इरानी राष्ट्रपतिलाई ट्रम्पले दिए यस्तो कडा चेतावनी

काठमाडौं, माघ ४ । अमेरिकी राष्ट्रपति डोनल्ड ट्रम्पले इरानी सर्वोच्च नेता अयातोल्लाह अली खमेनीलाई बिचार गरेर बोल्न चेतावनी दिएका छन् ।

खमेनीले शुक्रबार प्रार्थनाको क्रममा ट्रम्पलाई ‘जोकर’ भन्दै अमेरिकाको विरोध गरेपछि ट्रम्पले प्रतिक्रिया दिएका हुन् । उनले ट्वीट गर्दै खामेनीको कडा आलोचना गरे ।

ट्रम्पले लेखेका छन्, ‘इरानका सो–कल्ड सर्वोच्च नेता, जो अचेल सर्वोच्च छैनन् । उनले अमेरिका र यूरोपको बारेमा निच कुरा गरे । उनीहरुको अर्थतन्त्र संकटमा छ । र त्यहाँका जनता पीडामा छन् । उनले आफ्नो बोलीमा बिचार पुर्याउनु पर्छ,’ ट्रम्पले लेखेका छन् । यसअघि खामेनीले शुक्रबार ट्रम्पको बारेमा कडा आलोचना गरेका थिए ।