जेलभित्रै कैदीहरुबीच झगडा : १६ कैदीको मृत्यु

काठमाडौं, पुस १६ । एक जेलभित्र झगडा हुँदा १६ कैदीको मृत्यु भएको छ । मेक्सिकोको जकाटेकसस्थित रहेको एक जेलमा झडप हुँदा १६ कैदी मृत्यु भएको हो ।

दिउँसै भएको कैदीहरुबीच झडपमा परी १६ जनाले ज्यान गुमाएका थिए भने पाँच जना घाइते समेत भएका थिए।

पछि प्रहरीले उक्त तनावलाई नियन्त्रणमा लिएको थियो। कैदीहरुको विभिन्न समूहबीच आपसमा कुरा नमिल्दा झगडा सुरू भएको अधिकारीहरुले जनाएका छन् ।