तनहुँका योजनालाई दियो थप १८ करोड बजेट

काठमाडौं , पुस १० । नेपाल सरकार राष्ट्रिय योजना आयोगले तनहुँ जिल्लालाई १८ करोड थप बजेट दिएको छ । आर्थिक वर्ष २०७६र७७ का लागि रु १८ करोड ६१ लाख बजेट थप गरेको जनाइएको छ । समपूरक र विशेष अनुदानवापत विभिन्न आठ योजना सञ्चालन गर्ने गरी आयोगले उक्त बजेट थप गरेको हो ।

आयोगले स्थानीय तह र प्रदेश तहबाट कार्यान्वयन हुने गरी विभिन्न योजनालाई बजेट थप गरेको जानकारी दिएको छ । जसअनुसार तनहुँ निर्वाचन क्षेत्र नं १ र २ मा चाररचार आयोजनालाई बजेट थप भएको छ ।

तनहुँ क्षेत्र नं १ का सांसद कृष्णकुमार श्रेष्ठले योजना आयोगले जिल्लाका महत्वपूर्ण योजनालाई बजेट थप गरेकामा खुशी व्यक्त गरका छन् ।

तनहुँ निर्वाचन क्षेत्र नं १ मा स्थानीय तहबाट कार्यान्वयन हुने गरी व्यास नगरपालिका–११ स्थित खड्ककाली मोटरमार्गका लागि रू. दुई करोड, भानु नगरपालिकास्थित भानु बहुउद्देश्यीय भवनका लागि रू. एक करोड ३३ लाख बजेट विनियोजन गरिएको छ ।

प्रदेश तहबाट कार्यान्वयन हुने गरी आबुखैरेनी छिम्केश्वरी सडकका लागि रू. छ करोड ९८ लाख र शालिग्राम करिडोर (बैडी, घिरिङ, देवघाट खण्ड) का लागि रू. पाँच करोड ५२ लाख बजेट विनियोजन गरिएको आयोगले जानकारी दिएको छ ।

गण्डकी प्रदेश सरकारले प्राथमिकतामा राखेको शालिग्राम करिडोरको देवघाट खण्डमा हालै मात्र ट्रयाक खुलिसकेको छ । करिडोरको देवघाट गाउँपालिका अन्तर्गत बञ्चरेभिरको पहाड काट्न देवघाट गाउँपालिकाले रू. दुई करोड, प्रदेश सरकारले रू. दुई करोड र संघीय सांसदले रू. ७० लाख बजेट विनियोजन गरेका थिए ।

देवघाट गाउँपालिका–१ मा करिडोरको सबैभन्दा जटिल भाग रहेको बञ्चरेभिरमा ट्र्याक खुलेसँगै गाउँपालिकाका पर्ने ४० किमी खण्डसडक सञ्जालसँग जोडिएको छ ।

तनहुँ निर्वाचन क्षेत्र नं २ मा स्थानीय तहबाट कार्यान्वयन हुने गरी कृषि, भूमिसुधार तथा वन क्षेत्रअन्तर्गत शुक्लागण्डकी नगरपालिका–५ बेलचौतारामा कृषिउपज संकलन तथा वितरण केन्द्र निर्माणका लागि रू. ८३ लाख, पूर्वाधार क्षेत्रअन्तर्गत भिमाद नगरपालिकास्थित भिसी नेत्रबहादुर मोटरमार्गका लागि रू. ४० लाख, म्याग्दे गाउँपालिकास्थित बडहरे माछापुच्छ्रे भँैसीखर्क चार हजार बाँध मोटरमार्गका लागि रू. ४० लाख र सुशासन तथा अन्तर सम्बन्धित क्षेत्रअन्तर्गत घिरिङ गाउँपालिकास्थित वडा कार्यालयको प्रशासनिक भवन निर्माणका लागि रू. एक करोड १५ लाख विनियोजन भएको छ