पशुपति शर्माको नयाँ गीत ‘कल्ले कान फुक्यो र ’ सार्वजनिक (भिडियोसहित)

काठमाडौं, मंसिर २१ । लोक गायक पशुपति शर्माको नयाँ गीत ‘कल्ले कान फुक्यो र’ सार्वजनिक भएको छ । आफ्ना हरेक गीतमा नयाँपन दिने लोकप्रिय लोकदोहोरी गायक पशुपति शर्माले नयाँ गीत भर्खरै मात्र बजारमा ल्याएका हुन् ।

गीतको भिडियो पशुपतिले शुक्रबार आफ्नै युट्युब च्यानलबाट सार्वजनिक गरेका हुन्।गीतमा पशुपति र शान्ताले स्वर मात्र दिएका छैनन्। अभिनय पनि आफै गरेका छन्। गीतको भिडियोका दृश्यहरु आकर्षक छन् भने दुवैको अभिनय गज्जब देखिन्छ।

उनले शान्ता परियारसंगको सहकार्यमा ‘कल्ले कान फुक्यो र ?’ बोलको गीत बजारमा ल्याएका हुन्। गीतको शब्द तथा लय पशुपति स्वयंमले तयार पारेका हुन्।

सुमन थापाको कोरियोग्राफी रहेको भिडियोलाई दुर्गा पौडेलले छायांकन तथा निर्देशन गरेका हुन्। भिडियो सम्पादन भने नबिन घर्ति मगरको रहेको छ। पशुपति र शान्ताको यो पहिलो सहकार्य हो । जुन गीत निकै नै राम्र्रो बनेर बजारमा आएको छ ।