मंसिर १३ मा ‘लभ यु हमेशा’ आउँदै

काठमाडौं, कात्तिक २४। मंसिर १३ मा नेपाली चलचित्र लभ यु हमेशा प्रदर्शनमा आउने भएको छ ।

प्रेमकथामा आधारीत फिल्म ‘लभ यु हमेशा’ मंसिर १३ बाट प्रदर्शनमा आउने भएको हो । कार्तिक २२ अर्थात गत शुक्रबार रिलिजमा आउने भनिएको यो फिल्म वितरकका कारणले सरेको बताएको छ ।

‘घामड शेरे’ र ‘जीवन काँडा की फूल’ प्रदर्शनका लागि सहज बनाउन लभ यु हमेशा मंसिर १३ मा सारिएको वितरक रिच इन्टरटेनमेन्टका प्रमुख करण श्रेष्ठले बताए ।

भारतको दार्जि्लिङ, सिलगुढी लगायतका केही स्थानमा भने यो फिल्म कात्तिक १५ गतेबाट रिलिज भएको निर्माण युनिटले जनाएको छ । फिल्मलाई भास्कर प्रधानले निर्देशन गरेका हुन् । फिल्मको निर्माता यवन गुरुङ हुन् ।

निर्देशक प्रधानकै लेखन रहेको फिल्ममा यशराज गरच, ऋचा थापा, फिजा योञ्जन,गोपाल ढकाल (छन्दे), शिसिर राणा,करुणा श्रेष्ठ, निराजन मेहता, पिटी योल्मा,सल्देन तामाङ, प्रमिला राईलगायतका कलाकारले अभिनय छ ।

भारतको कालेबुङ, सिलुगुढी तथा फिलिपिन्सका बिभिन्न स्थानमा खिचिएको फिल्मको छायाँकार शिव ढकाल हुन् । मिलन गुरुङ सहनिर्माता रहेको फिल्ममा भासुको संगीत, कमल राई र रामजी लामीछानेको कोरियोग्राफी र मिलन श्रेष्ठको सम्पादन छ ।

फिलीम प्रेमकथामा आधारीत रहेर प्रदर्शनमा आउँने तयारीमा रहेको छ । यो फिल्मी हेर्न दर्शक भने निकै आतुर पनि भएका छन् ।