कृषि विकास बैङ्क चोरी प्रकरण : ६९ लाख रुपैयाँसहित थप ३ जना पक्राउ

काठमाडौँ, असोज १० । कृषि विकास बैङ्क चोरी प्रकरणमा ६९ लाख रुपैयाँसहित थप तीन जना पक्राउ परेका छन् ।

प्रहरीले कृषि विकास बैङ्कको रकम चोरी प्रकरणमा संलग्न थप ३ जनालाई पक्राउ गरेको हो ।

पक्राउ पर्नेमा मालतीदेवी न्यौपाने भट्राई, गणेश बस्याल र यज्ञराज भट्ट रहेको महानगरीय प्रहरी अपराध महाशाखाका प्रमुख एसएसपी सहकुल थापाले बताए ।

न्यौपाने र बस्याललाई पर्वतबाट २४ लाख रकमसहित र भट्टलाई महेन्द्रनगरबाट ४५ लाख रुपैयाँसहित पक्राउ गरेको प्रहरीले जनाएको छ ।

यो सँगै कृषि विकास बैकको रकम चोरी प्रकरणमा अहिलेसम्म १६ पक्राउ परेका छन् ।