बैंकको रकम हिनामिना गरेको आरोपमा थप २ जना कर्मचारी पक्राउ

काठमाडौं, भदौ २४ । बैंकको रकम हिनामिना गरेको आरोपमा प्रहरीले थप २ जलाई पक्राउ गरेको छ ।

दाङको घोराही–१० नाराणपुरस्थित देवः विकास बैंकको झन्डै रु १८ करोड रकम हिनामिना गरेको आशङ्कामा जिल्ला प्रहरीले थप दुई जना कर्मचारीलाई आज पक्राउ गरेको हो ।

बैंकको रकम हिनामिनामा मुछिएको पाइएपछि बैंकका दुई जना कर्मचारीलाई पक्राउ गरेको जिल्ला प्रहरी कार्यालय दाङका प्रवक्ता विनोदविक्रम शाहले बताए । प्रहरीले पक्राउ परेका कर्मचारीको परिचय भने खुलाइएको छैन ।

बैंकको रकम हिनामिना गरेको आरोपमा प्रहरीले यसअघि नै बैंकका प्रबन्धक समी बुढाथोकीसहित १२ जनालाई पक्राउ गरिसकेको थियो । तीमध्ये चार जना छुटिसकेका छन् भने अरु प्रहरीकै हिरासतमै रहेका छन् ।यति बेला बैंकको नारायणपुर शाखाको सम्पूर्ण कारोवार बन्द रहेको छ ।