काम गर्न नसक्ने सरकार सत्तामा बसिरहनुको औचित्य छैनः नेता जोशि

काठमाडौं, भदौ १४ । नेपाली कांग्रेसका नेता नवीन्द्रराज जोशीले काम गर्न नसक्ने सरकार सत्तामा बसिरहनुको औचित्य नभएको बताएका छन् ।

सरकारले जनचाहनाअनुसार काम गर्न नसकेको आरोप लगाउदै नेता जोशिले सरकारका कारण जनतामा निराशा बढ्दै गएको र त्यसको असर युवा वर्गमा देखिन थालेको बताए

काठमाडौं–२४, यटखास्थित मातृ सशक्तिकण समूहले शनिबार काठमाडौंमा गरेको निःशुल्क जंकु (भीमरथारोहण) कार्यक्रममा उनले बताएका हुन् ।

काठमाडौं महानगरपालिका–२४ का अध्यक्ष बालकृष्ण श्रेष्ठले कला, संस्कृतिको संरक्षण र ज्येष्ठ नागरिकको सम्मानका लागि यस वर्षदेखि भीमरथारोहणको सुरुआत गरिएको बताए ।
यसले सबैको सम्मान र संस्कृतिको संरक्षणमा टेवा पुग्ने बताए ।

कार्यम्रममा ७७ वर्ष उमेर पुगेका ज्येष्ठ नागरिकहरुको पूजापाठसहित भीमरथारोहण गरिएको थियो ।