नेपाल एपिएफ स्कुलमा हरितालिका तिज विशेष कार्यक्रम गरि सम्पन्न

teej

काठमाडौं, १२ भदौ । नेपाल एपिएफ स्कुलमा हरितालिका तिज विशेष कार्यक्रम विभिन्न, साँस्कृतिक कार्यक्रम तथा नाचगान र मनोरञ्जनात्मक कार्यक्रम तथा दरखाई सम्पन्न भएको छ ।

कार्य विद्यालय समादेशक स.प्र.ना.उ.समेनन्द बज्राचार्य, निमित्त प्रधानाचार्य युवराज पराजुली, शिक्षिकाहरु, विद्यालयमा कार्यरत आयाहरु र कक्षा ४ देखि १२ सम्म अध्ययनरत छात्राहरुको उपस्थितिमा हिन्दु नारीहरुको महान चार्ड हरितालिका तिज २०७६ कार्यक्रम सम्पन्न भएको हो ।

उक्त कार्यक्रममा विद्यालयका समादेशक तथा निमित्त प्रधानाचार्यले शुभकामना मन्तव्य व्यक्त गर्नुका साथै संयुक्त रुपमा विद्यालयमा कार्यरत शिक्षिकाहरु र आयाहरुलाई उपहार स्वरुप मायाको चिनो प्रदान समेत गर्नु भएको थियो ।

कार्यक्रमका अवसरमा विद्यालयमा कार्यरत शिक्षिकाहरु, आयाहरु तथा अध्ययनरत छात्राहरुले विभिन्न साँस्कृतिक कार्यक्रम तथा नाचगान र मनोरञ्जन समेत गरेका थिए । सोही अवसरमा कक्षा ४ देखि १२ सम्म अध्ययनरत विद्यार्थिहरु साथै सम्पूर्ण शिक्षक तथा कर्मचारीहरुका लागि तिजको दर खाने कार्यक्रमको व्यवस्था मिलाईएको थियो ।