सुदूरपश्चिममा कृषिलाई पहिलो प्राथमिक्ता दिनुपर्छः मुख्यमन्त्री भट्ट

काठमाडौं, भदौ १० , सुदूरपश्चिम प्रदेशका मुख्यमन्त्री त्रिलोचन भट्टले सुदूरपश्चिममा कृषिलाई पहिलो प्राथमिक्ता दिएर काम गर्नुपर्ने बताएका छन् ।

सुदूरपश्चिम प्रदेशका नौवटै जिल्लाका कृषि ज्ञान केन्द्र तथा कृषि सम्पर्क कार्यालयका प्रमुखका लागि दिपायलमा आयोजित एकदिने गोष्ठीमा मुख्यमन्त्री भट्टले यस्तो बताएका हुन् ।

सुदूरपश्चिम कृषि क्षेत्रका लागि निकै उपयोगी ठाउँ भएकाले यहाँको विकासका लागि कृषिमा बढी लगानी गर्नुपनमा उनले जोड दिए ।

उनले भने, ‘कृषि क्षेत्रमा मात्रै काम गर्न सके सुदूरपश्चिमको विकासमा कायापलट हुनेछ ।’ त्यस्तै मुख्यमन्त्री भट्टले कृषि कार्यालयले कृषि क्षेत्रमा काम गर्ने किसानलाई सहयोग पुग्ने हेतुले कृषि काममा बढी लगानी गर्नुपर्ने धारणा राखेका थिए ।

गोष्ठीमा सहभागी अधिकांश कृषि प्रमुखले बजेट अभावका कारण कृषि क्षेत्रमा सोचेअनुसार लगानी गर्न नसकिएको धारणा राखेका थिए ।

अरु क्षेत्रमा बजेट प्रशस्त भएपनि कृषि क्षेत्रमा भने अभाव भएको बताएका हुन् । सुदुरपश्चिम क्षेत्र आफैमा पनि विभिन्न सम्भावना बोकेको प्रदेश हो । तर विकास लगाएत अन्य कार्यमा चलखेल नहुने हो भन्ने विकासका कार्यले गतिलिनेमा यहाँका स्थानीय आशावादी छन् ।