भक्तपुरमा मोटरसाइकल र स्कुटी एकआपसमा ठोक्किएः एक युवकले मृत्यु, एक घाइते

काठमाडौँ , भदौ ६ । भक्तपुरमा मोटरसाइकल र स्कुटी ठोक्किँदा एक युवकको मृत्यु भएको छ भने एक जना घाइते भएका छन् ।

नयाँठिमी चारदोबाटोमा दुर्घटनामा भएको प्रहरीले जनाएको छ । मृत्यु हुनेमा मोटरसाइकल चालक मध्यपुर ठिमी–५ कमेरेटारका २२ वर्षीय राजेश गोजा रहेका छन् ।

यस्तै घाइते रहेका स्कुटी चालक भक्तपुर नगरपालिका–५ तौमढीका ३१ वर्षीय प्रबिण लोहलाको मध्यपुर अस्पतालमा उपचार भइरहेको प्रहरीले जनाएको छ ।

बा ७३ प ९७२१ नम्बरको मोटरसाइकल र बा ६७ प ६७५४ नम्बरको स्कुटी नयाँठिमी चारदोबाटोमा एक आपसमा ठोक्किँदा दुर्घटना भएको हो ।