अछाममा भालुको आक्रमणबाट ३ जना घाइते , स्थानीय त्रसित

काठमाडौं, साउन ३१ । अछाममा भालुको आक्रमणबाट ३ जना घाइते भएका छन् । मंगलसैन नगरपालिका वडा नम्बर(७ मा जंगली जनावर भालुको तीन जना घाइते भएका हुन् ।

भालुको आक्रमणबाट नम्बर(७, का ५० वर्षीय प्रेम ढुंगाना, २ वर्षीय बालक ओम प्रकाश दमाई र ७ वर्षीया बालिका उर्मिला दमाई घाइते भएका हुन् । शुक्रबार बिहान साढे सात बजे बारीमा मकै खाइरहेको भालुले आक्रमण गरेको हो ।

घाइतेहरुको जिल्ला अस्पताल मंगलसैनमा उपचार भइरहेको छ । घाइतेमध्ये प्रेम ढुंगानाको अवस्था गम्भीर रहेको बताइएको छ । यसरी घर नजिकै आएर आक्रमण गरेपछि स्थानीयहरु त्रसित भएका छन् ।