६५ हजार घुससहित प्रधानाध्यापक अख्तियारको फन्दामा

काठमाडौं, साउन ३१ । ६५ हजार घुससहित एक प्रधानाध्यापक पक्राउ परेका छन् ।

अख्तियार दुरुपयोग अनुन्धान आयोगले पश्चिम नवलपरासीबाट विद्यालय व्यवस्थापन समितिका अध्यक्ष र प्रधानाध्यापकलाई ६५ हजार घुस रकमसहति पक्राउ गरेको हो ।

पक्राउ पर्नेमा पाल्हीनन्दन गाउँपालिका-३ स्थित सिद्धार्थ माविका अध्यक्ष केदार गिरी र सोही विद्यालयका प्रधानाध्यापक लेखनाथ उपाध्याय रहेका छन् ।

अख्तियार आयोग कार्यालयका सूचना अधिकारी सुरेश भुसालका अनुसार शिक्षकको सरुवा सहमति र रमना मिलाइ दिएबापत उनीहरुले घुस लिएका हुन् ।

अख्तियारको बुटवलस्थित कार्यालयबाट खटिएको टोलीले बिहीबार परासीस्थित ‘लुम्बिनी प्लस’को कार्यालयबाट दुवै जनालाई पक्राउ गरिएको भुसालले बताए । पक्राउ परेका माथि अनुसन्धान भइरहेको पनि प्रहरीले जनाएको छ ।