कीर्तिपुरको कुटुम्ब बस्तीबाट ३२ जनाको उद्धार, आसपासका कयौँ घर डुबानमा

काठमाण्डौ , असार २७ । लगातार परेको वर्षाका कारण देशैभरि बाढी पहिरोको जोखिम देखिएको छ ।

काठमाण्डौ उपत्यकामा पनि बाढीको प्रकोप देखिएको छ । विभिन्न स्थानका वस्ती डुबानले जलमग्न भएका छन् ।

यसैबीच कीर्तिपुर कुटुम्ब बस्तीबाट ३२ जनाको उद्धार गरिएको छ । प्रहरी, सुरक्षाकर्मी र स्थानीयको सहयोगमा बस्तीमा फसेका ३२ जनाको उद्धार गरिएको हो ।

बल्खु खोला आसपासका घर पनि डुबानमा परेका छन् ।

लगातारको झरीका कारण आएको बाढी पहिरोमा परि काठमाण्डौ उपत्यकामा ३ सहित ११ जनाको मुत्यु भएसकेको छ ।

अझै वर्षा आगामी ३ दिन सम्म यस्तै रहने मौसमविद्ले बताएका छन् ।