हेटौँडाका धेरै स्थान डुबानमा, बाढीमा फसेकी गर्भवती महिलालाको डोजरद्वारा गरियो उद्धार

काठमाडौं, असाार २७ । बाढीमा फसेकी मकवानपुरकी एक जना गर्भवती महिलाको डोजरको सहायताले उद्धार गरिएको छ ।

भीमफेदी गाउँपालिकाको भैसे बागझोरा खोलामा बाढी आएका कारण गर्भवती महिलालाई हेटौँडा अस्पताल ल्याउन नसकेपछि डोजरको माध्यमले खोला तारिएको हो ।

निरन्तरको वर्षाका कारण हेटौँडाका धेरै स्थान डुबानमा परेका छन् । विशेषगरी हेटौँडाको शान्तिनगरका धेरै घरहरु डुबानमा परेका छन् । घर डुबानमा परेर समस्या भएकाहरुलाई उद्धार गर्ने काम भैरहेको सशस्त्र प्रहरी बल हेटौँडाका डिएसपी अमर खत्रीले जानकारी दिए ।

त्यस्तै बागमती गाउँपालिका(१ सम्झना बजारको सीमानामा राईगाउँबाट हेटौँडा जाँदै गरेको यात्रुबाहक बस खेस्रे खोलामा रोकिएको छ ।

हेटौँडा उपमहानगरपालिका(१३ को कुखरेनी खोलामा वर्षा बढ्दै गएपछि सतर्क रहन प्रशासनले खबरदारी गरेको छ ।

वर्षा र पहिरोले गर्दा लाइन नभएपछि खानेपानी र सञ्चार सुविधामा समस्या भएको छ ।