कपिलवस्तुमा बस र ट्रक ठोक्किँदा १ जनाको मृत्यु, १५ घाइते ! यस्तो छ अवस्था ( नामसहित)
काठमाडौं, असार १७ । कपिलवस्तुमा बस र ट्रक ठोक्किँदा १ जनाको मृत्यु भएको छ भने १५ जना घाइते भएका छन् ।
कपिलवस्तुको बुद्धभूमि नगरपालिका वडा नम्बर ९ चौवन्नपुरमा बस र ट्रक ठोक्किएका हुन् । मृतकको सनाखत भैनसकेको प्रहरीले जनाएको छ ।
पूर्वबाट पश्चिमतर्फ जाँदै गरेको ना ५ ख ६२६८ नम्बरको ट्रक र विपरित दिशाबाट आउँदै गरेको म १ ख ८२८ नम्बरको बस आपसमा ठोक्किएका थिए । दुर्घटनामा ३० बर्षीय पुरुषको मृत्यु भएको छ ।
जिल्ला प्रहरी कार्यकलय कपिलवस्तुका अनुसार दुर्घटनामा १४ जना घाइते छन् ।
जिल्ला प्रहरी कार्यालयका अनुसार दुर्घटनामा कञ्चनपुर घर भएको ४२ बर्षीय गुण्डाराज भारती,कञ्चनपुर भिमदत्त नगरपालिका ७ बस्ने ६६ बर्षीय भिमबहादुर कुँवर,कञ्चनपुरकै २७ बर्षीय सह चालक चन्द्रबहादुर सुनार,कञ्चनपुरका ३६ बर्षीय गणेशदत्त जोशी,कञ्चनपुरका ४० बर्षीय नरेन्द्र खत्री,कञ्चनपुर गोदावरी नगरपालिका २ का ३५ बर्षीय गंगा सिंह, कैलाली धनगढी उपमहानगरपालिका ६ बस्ने ३० बर्षीय हेमराम तिमिल्सिना,स्याङ्जा गल्याङ नगरपालिका ४ बस्ने ४० बर्षीय खेमराज न्यौपाने,पाल्पा तानसेन नपा १ का ३५ बर्षीय माधव गौतम,डडेलधुरा अमरगडी नपा २ बस्ने २५ बर्षीय श्याम कठायत, दैलेख बिन्द्रासैनी नपा ८ बस्ने २४ बर्षीय पदम रिजाल,बर्दियाका ४० बर्षीय सुन्दरकली चौधरी,दाङ लमही नगरपालिका ६ का २० बर्षीय प्रकाश ढुङगाना, ट्रकको सह–चालक कञ्चनपुर गोदावरी नपा २ का २८ बर्षीय सुरेन्द्र बिक घाइते भएका छन् ।
प्रतिक्रिया दिनुहोस्