निर्मला हत्या प्रकरणः ११ महिना पुरा , हत्यारा अझै प्रहरीको पहुँचबाहिर

काठमाडौं, असार १२ । निर्मलाको बलात्कार गरी हत्या गरिएको ११ महिना पुगे छ । हत्यारा अझै पत्ता लाग्न सकेको छैन ।

कञ्चनपुर भीमदत्त पन्त नगरपालिका–२ उल्टाखामकी १३ वर्षीया निर्मला पन्तको बलात्कार र सबैको ध्यान तानेको सो बलात्कार तथा हत्याकाण्डको रहस्य अझै गर्भमै छ ।

प्रहरीका विभिन्न अलग–अलग टोलीले निरन्तर र गहिरो ढंगले अनुसन्धान गरे पनि निर्मलाको बलात्कार र हत्या कसले गर्यो भन्ने ‘क्लु’ नजिक प्रहरी अहिलेसम्म पुग्न सकेको छैन ।

प्रहरीको केन्द्रीय अनुसन्धान ब्युरो सिआइबी र प्रहरीको टोलीले सो हत्याकाण्डबारे अनुसन्धान गरिरहेको छ । काठमाडौँबाट प्रहरी उपरिक्षक गणेश चन्दको टोलीले पनि अनुसन्धान गरिहेको छ ।
हत्यारा को पत्ता लगाउन विभिन्न आन्दोलन चर्कीए पनि केहि लागेन ।