क्रान्तिकारीले गरे त्रिवि सेवा आयोगमा तालाबन्दी

काठमाण्डौ , असार २ । क्रान्तिकारीले त्रिभुवन विश्वविद्यालयको सेवा आयोगमा तालाबन्दी गरेका छन् ।

नेकपा (क्रान्तिकारी–माओवादी) को विद्यार्थी सङ्गठन अनेरास्ववियु ( क्रान्तिकारी) ले आज त्रिभुवन विश्वविद्यालय ९त्रिवि० सेवा आयोगको कार्यालयमा तालाबन्दी गरेको हो ।

आयोगले लिएको परीक्षाको नतिजा खारेजीको माग गर्दै तालाबन्दी गरिएको क्रान्तिकारीका केन्द्रीय सदस्य सङ्घर्ष दाहालले जानकारी दिए ।

‘’परीक्षामा अनियमितता गरी त्रिवि पदाधिकारीले आफन्तको नाम निकालेका छन्’, उनले भने,‘हामीले पहिल्यैदेखि नै अनियमितता गरी प्रकाशन गरिएको नतिजा स्थगन गर्न माग गरेका थियौँ तर परीक्षा स्थगन नगरी अन्तर्वार्ता लिइरहेकाले तालाबन्दी गरेका हौँ ।’

गत जेठ ३० गते आयोगका अध्यबक्षको कार्यकक्षमा समेत तालाबन्दी गरेका क्रान्तिकारीका विद्यार्थीहरू जेठ ६ गतेदेखि परीक्षा खारेजीको माग गर्दै आयोग अगाडि रिले अनसन बसिरहेका छन्