धारिलो हतियार प्रहार गरी महिलाको हत्या

काठमाडौ, १७ जेठ । धारिलो हतियार प्रहार गरी महिलाको हत्या गरिएको छ ।
बझाङको सुर्मा गाँउपालिका –४ मा एक महिलाको विभत्स हत्या भएको हो । लछिचन्द पुजाराकी श्रीमती २५ वर्षीय जुना पुजाराको हसियाले घाँटी रेटी हत्या भएकोे बझाङ जिल्ला प्रहरी कार्यालयका प्रहरी नायव उपरीक्षक सूर्यबहादुर केसीले जानकारी दिए ।

पुजाराको हत्या घरायसी विवादका कारण अत्याधिक रक्सी सेवन गरी उनकै छिमेकी अन्दाजी ३५/३६ वर्षका लोकेन्द्र पुजाराले गरेको प्रहरीको प्रारम्भिक अनुसन्धानबाट खुल्न आएको छ । हत्या गर्ने पुजारालाई प्रहरीले पक्राउ गरेको छ ।

प्रहरी नायव उपरीक्षक केसीले घटनाको बारेमा थप अनुसन्धान भैरहेको जानकारी दिनुभयो ।