बढ्यो सुनको मूल्य, कतिमा हुँदैछ आज कारोबार ?

काठमाडौं, साउन १७ । नेपाली सुनचाँदी बजारमा आज सुनको मुल्य बढेको छ ।

सुनको मूल्य प्रतितोला ९५ हजार ६०० रुपैयाँ तोकिएको छ। अघिल्लो दिन प्रतितोला ९५ हजार ४०० रुपैयाँमा कारोबार भएको सुन आज प्रतितोला २ सय रुपैयाँले बढेको हो।

यस्तै नेपाल सुनचाँदी व्यवसायी महासंघले सार्वजनिक गरेको विवरणअनुसार आज तेजाबी सुनको मूल्य प्रतितोला ९५ हजार १०० रुपैयाँ छ। यसको मूल्य अघिल्लो दिन प्रतितोला ९४ हजार ९०० रुपैयाँ थियो।

त्यस्तै आज चाँदीको मूल्य अघिल्लो कारोबार मूल्यको तुलनामा स्थिर रही प्रतितोला एक हजार २२० रुपैयाँ तोकिएको महासंघले जनाएको छ।

महासंघले अन्तर्राष्ट्रिय बजारमा हुने सुन तथा चाँदीको कारोबार मूल्यका तुलनामा यहाँ दैनिक कारोबार मूल्य तोक्दै आएको छ।