मकवानपुरमा चट्याङमा परि एक जनाको मृत्यु, दुई जना घाइते

काठमाडौ, ९ जेठ । मकवानपुरमा चट्याङमा परि एक जनाको मृत्यु भएको छ भने दुई जना घाइते भएका छन् ।
मकवानपुरको कैलाश गाउँपालिका– २ बैकुण्ठमा बुधबार राति हावा हुरीसँगै परेको चट्याङ लागेर एक जनाको ज्यान गएको हो र अन्य दुई जना घाइते भएका हुन ।

चट्याङ लागेर बैकुण्ठकी ६५ वर्षीया साइलीमायाँ मोक्तानको ज्यान गएको जिल्ला प्रहरी कार्यालय मकवानपुरका प्रहरी उपरीक्षक मुकेश कुमार सिंहले बताउनुभयो ।
प्रहरील चट्याङ लागेर यही ठाउँका ३९ वर्षीय विनामायाँ मोक्तान र ७० वर्षीय डोल्मा बल गम्भीर घाइते भएका छन् । उनीहरुको डाँडाखर्क स्वास्थ्य चौकीमा उपचार भैरहेकोे जनाएको छ ।