सडक मर्मतको माग राख्दै नागर्जुनवासी आन्दोलित, नगरपालिकामा तालाबन्दी

काठमाडौ, बैसाख २३ । नागर्जुन नगरपालिका अन्तर्गत सितापाईला भिमढुङ्गाको सडकको अवस्था जिर्ण रहेको भन्दै स्थानीय वासी आन्दोलित भएका छन् ।
स्थानीयवासीले पटक पटक सुनुवाइ गर्दापनि कुनै सुधार तथा स्तरोन्नती नभएको भन्दै नगरपालिकाको कार्यालय बन्द गरेका छन् ।

दयनीय अवस्थामा रहेको सडकको कुनैपनि तवरबाट सुधार नहुँदा स्थानीय मारमा परेका छन् । साथै बिद्यालय जाने विद्यार्थीहरुलाई समस्या देखि लिएर बुढाबुढीहरुलाई आवत जावतमा समेत कठिनाई भएको कारणले गर्दा नगरपालिकाको कार्यालयनै बन्द गरेर आन्दोलन गर्नुपरेको स्थानीयले जनाएका छन् ।
स्थानीयबासीले नैतिकता नभएको नागर्जुन नगरपालिका, हामी नगरबासीकी दुर्गम वासी, हामी जनता होकी रैति, आवत जावतको समस्याले परिक्षा दिन जान सकिएन यो कस्को जिम्मेवारी जस्ता नारा लगाइरहेका छन् । त्यस्तै कामदार भाग्यो श्रमदान हामी गर्छाै हस्पीटल जान सकिएन वाटोमै मर्ने ? लगाएतका नाराहरु लगाएर नगरपालिका अगाडि धर्ना तथा जुलुस गरेका छन् ।