‘ए मेरो हजुर ३’ को शिर्ष गीत सार्वजनिक (भिडियोसहित)

काठमाडौं, चैत २८ । शुक्रबार अर्थात भोलीबाट प्रदर्शनमा आउने फिल्म ‘ए मेरो हजुर ३’ को शीर्ष गीत सार्वजनिक गरिएको छ । निर्माण युनिटले बिहिबार गीत रिलिज गरेको हो । सार्वजनिक प्रदर्शनको एक दिन अगाडि नै यो गीत सार्वजनिक भएको हो ।

गीतमा प्रताप दासको स्वर, प्रतिक पौडेलको शब्द, प्रतिक पौडेल र पुष्पन प्रधानको संगीत रहेको छ । गीतले चलचित्रका मुख्य दुई पात्र अभिनेता अनमोल केसी र अभिनेत्रीको सुहाना थापाको भूमिका खुलाएको छ ।
गीतमा गायक बनेका अनमोलले कन्सर्टमा गीत गाउँदा उनको फ्यान बनेकी सुहाना उत्साहित भएको देखाइएको छ ।

सञ्जय लामाको छायाँकन रहेको यो चलचित्रमा दिर्घ खड्काको सम्पादन, हिमाल केसीको एक्सन रहेको चलचित्रमा कविराज गहतराज, रामजी लामिछाने, प्रविण सिंह र राहुल शाहको कोरियोग्राफी छ ।

झरना थापाले निर्देशन गरेको गरेको यो फिल्मको बिहिबार साँझ प्रिमियर हँदैछ । प्रिमियरमा पत्रकार तथा कलाकार निम्त्याइएको निर्माण युनिटले जनाएको छ ।