‘टाइगर जिन्दा हे’ ले कीर्तिमानी व्यापार गर्दै

नयाँ दिल्ली, । सलमान खानको चलचित्र ’टाइगर जिन्दा हे’ बक्स अफिसमा कीर्तिमानी व्यापार गरिरहेको छ ।
बलिउडका व्यापार विश्लेषक तरण आदर्शका अनुसार, चलचित्रले आइतबार ४५ दशमलब ५३ करोड भारु कमाएको छ । चलचित्रले रिलिजको दिन शुक्रबार ३४ दशमलब १० करोड र शनिबार ३५ दशमलब ३० करोड भारु कमाएको भारतीय समाचार संस्थाहरुले जनाएका छन् ।

यस हिसाबले अहिलेसम्म चलचित्रले एक सय १४ दशमलब ९३ करोडको कीर्तिमानी कमाइ गरेको छ । तरण आदर्शका अनुसार, सलमान खानको चलचित्रहरुमा अहिलेसम्म १२ चलचित्रले एक सय करोडभन्दा बढी कमाइ गरेका छन् ।

तीन दिनमै एक सय १० करोड भारु कटाउने ’टाइगर जिन्दा हे’ले कमाएको छ । सोमबार क्रिसमसको छुट्टीको फाइदा फिल्मले उठाए पनि व्यापारको आँकडा आउन बाँकी छ ।