नेपाल आइडल रवि ओडको पहिलो म्युजिक भिडियो ‘मिठो बोलीले…‘युट्युव ट्रेन्डिङमा ’ (भिडियोसहित)

काठमाडौं, चैत २४ । नेपाल आइडल रवी ओडको गीत ‘मिठो बोलीले….’ सार्वजनिक भएको छ । शुक्रवार यूट्युबमार्फत सार्वजनिक भएको ‘मिठो बोलीले..’ गीतको भिडियोले छोटो समयमै दर्शकको मन जित्न सफल भएको छ ।गीतको भिडियो निकै आकर्षक बनेको छ ।

ओडको पहिलो म्युजिक भिडियो अहिले युट्युव ट्रेन्डिङमा पर्न सफल भएको छ ।

दोस्रो नेपाल आइडल रवि ओडले आफ्नो सांगीतिक जीवनकै पहिलो औपचारिक गीतको म्युजिक भिडियो दर्शक तथा स्रोतामाझ ल्याएका हुन् ।

नृत्यपरक गीतमा हरि लम्सालको संगीत तथा कृष्ण केसीको शब्द रहेको छ । शिव विकको कोरियोफी तथा निर्देशन रहेको भिडियोमा अभिनेत्री एलिशा राई तथा गायक रवि ओडनै फिचर्ड छन् । सुप्रिम पराजुलीले उक्त भिडियोलाई सम्पादन गरेका हुन् । रामेश्वर कार्की भिडियोका छायाँकार हुन् ।

भक्तपुर दरवार स्क्यावरको आकर्षक लोकेशनमा छायाँकन गरिएको भिडियोमा करिव ६० जना कोरस कलाकारको प्रयोग गरिएको छ ।