गायक प्रकाश सपूतको ‘दोहोरी ब्याटल २’ युट्युव ट्रेन्डिङको १ नम्बरमा पर्न सफल (भिडियोसहित)

काठमाडौं, चैत २४ । गायक प्रकाश सपूतको दोहोरी ब्याटल २ सार्वजनिक भएको १ दिनमै लाखौ दर्शक श्रोताको मन जित्न सफल भएको छ ।

अहिलेका निकै चर्चित र ब्यस्त गाएक सपूतको शनिवार आफ्नै अफिसियल युट्युवमा राखिएको गीत अहिले युट्युव ट्रेन्डिङको १ नम्बरमा पर्न सफल भएको छ ।

युवा पुस्ता लक्षित ब्याटलमा शब्द तथा संगीत सपूतकै छ । उनकै स्वर रहेको ब्याटलको फिमेल भोकलमा उनलाई प्रिती आलेले साथ दिएकी छन् । अहिले सम्म यो गीतलाई १ मिलियन बढिले हेरिसकेका छन् ।

यस अघिको दोहोरी ब्याटल दर्शकले अत्याधिक रुचाएका थिए । सो गीतबाट सफलता पाएपछि उनी ब्याटल–२ लिएर आएका हुन् ।

एरेन्ज तथा ब्याक ग्राउन्ड स्कोर श्यामस्वेत रसालीले गरेका छन् । ब्याटल भिडियोले घरायसी झगडामा सम्बन्ध विच्छेद गर्ने निर्णयमा पुग्ने पछिल्लो पुस्तालाई ब्याटलले ब्यङ्ग्य गरेको छ ।