२ नम्बर प्रदेशमा एसईईको विज्ञान विषयको परीक्षा रद्द
काठमाडौं, चैत १४ । २ नम्बर प्रदेशमा एसईईको विज्ञान विषयको परीक्षा रद्द गरिएकोे छ ।
परीक्षाअघि नै प्रश्नपत्र बाहिरिएपछि प्रदेश २ का ८ जिल्लामा माध्यमिक शिक्षा परीक्षा अन्तर्गत बिहीबार विज्ञान विषयको परीक्षा रद्द गरिएको हो।
बुधबार राति ११ बजेतिर भाइबर, इमो, ह्वाट्सएप आदि माध्यमबाट प्रश्नपत्र बाहिरिएपछि परीक्षा रद्द गरिएको प्रदेश २ का शिक्षा निर्देशक रमाकान्त शर्माले जानकारी दिए ।
‘प्रदेश २ भरी नै विज्ञान विषयको परीक्षा रद्द हुने शर्माले बताए । रद्द भएको परीक्षा चैत २२ गते गरिने समेत उनले जनाकारी गराए ।
बुधबार राति सप्तरी जिल्लाबाट प्रश्नपत्र बाहिरिएको थियो । बिहीबार परीक्षा भएपछि जिल्ला परीक्षा समन्वय समितिले जिल्लाको परीक्षा रद्द गर्ने निर्णय गरेको थियो ।
तर प्रदेशभरी एउटै प्रश्नपत्र हुने भएकाले प्रदेश २ का सप्तरी, सिरहा, धनुषा, महोत्तरी, बारा, पर्सा, रौतहट र सर्लाही जिल्लाकै विज्ञान विषयको परीक्षा रद्द गरिएको हो ।
प्रतिक्रिया दिनुहोस्