ज्योतिष विज्ञान र प्रेमको संम्मिश्रण ‘शुभ लभ’ को ट्रेलर सार्वजनिक (भिडियोसहित)

काठमाडौं, फागुन १४ । फिल्म ‘शुभ लभ’को ट्रेलर सार्वजनिक भएको छ। सन्तोष बाबु लोहनीको निर्देशनमा रहेको फिल्मको ट्रेलर सोमबार मात्रै सार्वजनिक भएको हो।

ट्रेलरमा ज्योतिष विज्ञानले युवायुवतिहरुको प्रेममा पारेको प्रभाव र यसको वास्तविकता देखाउने प्रयास गरिएको छ।

युवा ज्योतिष हरिहर अधिकारी र क्रिस्टिन पौडेलको मुख्य अभिनय रहेको फिल्ममा सरोज खनाल, प्रदीप बाँस्तोला, रवीन्द्र झा, राजाराम पौडेल, डा।सूर्या थापालगायतका कलाकारहरुको अभिनय रहेको छ ।

फिल्म ‘शुभ लभ’मा अभिनेता अधिकारी र अभिनेत्री पौडेलेको डेव्यु अभिनय रहेको छ। धर्मराज सुवेदीको निर्माणा रहेको फिल्ममा अर्जुन पोखरेलको शब्द तथा संगीत सुन्न सकिन्छ।

अभिनेता अधिकारीको कथा लेखन तथा अभिमन्यु निरभीको पटकथा रहेको फिल्म आउँदो चैत्र १५ गतेबाट प्रदर्शनमा आउने छ।