शिव परियारको गीत ‘ तिमी नै मेरो सास हौ’ मा आकाश श्रेष्ठ र स्वस्तिमा खड्काको यस्तो रोमान्स (हेर्नुहोस् भिडियोसहित)

काठमाडौं, माघ २७ । नेपाली सुगम संगीतका चर्चित गायक शिव परियारको नयाँ गीत ‘तिमी नै मेरो सास हौ’को भिडियो सार्वजनिक गरिएको छ। प्रेम दिवसको अवसर पारेर सार्वजनिक गरिएको उक्त गीत आफ्नो दर्शक तथा स्रोतालाई प्रेम दिवसको उपहार भएको गायक परियारले बताए।

गीतमा एकनारायण भण्डारीको शब्द र आशिष अविरलको संगीत तथा एरेन्ज रहेको छ। ‘आँसुको अर्थ’बाट चर्चामा आएका जोडी स्वस्तिमा खड्का र आकाश श्रेष्ठले उक्त गीतको भिडियोमा अभिनय रहेको छ। शिवकै स्वरमा रहेको ‘आशुको अर्थ’ बोलको गीतले केही समयअघि मात्रै एक करोडभन्दा बढी भ्युज पाएको थियो।

गायक परियारको शिवालय एल्बममा समावेश उक्त गीतमा अहिलेका चर्चित तथा लोकप्रिय नायक नायिकाको रोमान्स देख्न सकिन्छ।

सुहाना क्रियसनको प्रस्तुति रहेको सो भिडियो लोभलाग्दो र आकर्षक बनेको छ। बुद्ध थापाले छायाकन गरेको उक्त गीतको भिडियोलाई निकेश खड्काले निर्देशन गरेका हुन् भने विकास धमलाले सम्पादन गरेका हुन्।

भिडियोमा सुबोल थापाको कोरियोग्राफी रहेको छ। भिडियोलाई शिवले आफ्नै अफिसियल युट्युब च्यानलबाट सार्वजनिक गरेका हुन्।