काठमाडौं, माघ १९ । लोकदोहोरी गायक बिमलराज क्षेत्रीको गीत ‘बुट्टे रुमाल’ सार्वजनिक भएको छ । फेरिपनि लोकसर्जक भण्डारी र गायक क्षेत्रीको सहकार्यमा ‘बुट्टे रुमाल’ हिजोमात्रै बजारमा आएको हो ।
। लोकदोहोरी गायक बिमलराज क्षेत्री यो नाम रुचाईएको र निकै चर्चित नाम हो । जति उनी चर्चित छन् त्यति नै उनका हरेक गीत पनि चर्चित रहेका छन् ।
गायक क्षेत्रीले जतिपनि गीत बजारमा ल्याए ती सबै गीतले दर्शक, श्रोताको मन जितेको छ । त्यस्तै एकनारायण भण्डारी नामै काफि छ संगीतको दुनियामा । भण्डारीले लोकदोहोरी देखि नेपाली चलचित्र र आधुनिक गीतमा कलम चलाएर सबैको मन जित्न सफल भएका छन् ।
चर्चित गीतकार तथा संगीतकार भण्डारीसंगको सहकार्यमा ल्याईएका सुपारी चाम्रो, काँफल पाकेको , झरेको फुल यी गीतहरु अत्यधिक सफल मानिए र सबैको मन जित्न सफल पनि भए ।
यि मिठा अनि रमाईला शब्दले भरिएका गीतमा गायक क्षेत्री र सुगम संगीतकी चर्चित गायिका अन्जु पन्तको आवाज रहेको छ । भने चर्चित सर्जक भण्डारीको शव्द तथा संगित रहेको छ । माया गर्ने जोडीले एकअर्कालाई दिएको बुट्टे रुमालको प्रसंसा र माया पोखिएको भाव समेटिएको उक्त गीतको भिडियोमा नायिक प्रियंका कार्की र गम्भीर बिष्टको अभिनय तथा नृत्य देख्न सकिन्छ ।
क्षेत्री र भण्डारीको सहकार्यमा ‘बुट्टे रुमाल चौथौ’ गीत हो । जुन गीत युट्युवमा सार्वजनिक गरिएको कम समयमा निकै रुचाईएको पनि छ ।
प्रतिक्रिया दिनुहोस्