काठमाडौं, माघ ३। पर्वतमा बस दुर्घटना हुँदा ३ जनाको मृत्यु भएको छ । आज बिहान म्याग्दीको बेनीबाट नारायणगढतर्फ जाँदै गरेको ग १ ख ६१०८ नम्बरको बस पर्वतको कुश्मा नगरपालिका— १ मालढुङ्गास्थित सुकुम्बासी टोलमा दुर्घटनामा परेको हो ।
दुर्घटना बिहान करिब सवा आठ बजे भएको हो । घटनास्थलमा रहेका पर्वतका प्रहरी प्रमुख भुवनेश्वर तिवारीका अनुसार घाइतेलाई उद्धार गरेर उपचारका लागि पठाइएको छ ।
घाइतेलाई बाग्लुङ र पर्वतका अस्पतालमा पठाइएको उनले जानकारी दिए । बाग्लुङ अस्पतालमा २२ जना घाइतेलाई पठाइएको छ ।
प्रतिक्रिया दिनुहोस्