ग्यास्ट्रिक बाट मुक्ति पाउनका लागि अब यसो गरौँ Jagaran News Published On : 12 December, 2018 3:57 am काठमाडौँ, मंसिर २६ । धेरै जसो नेपाली ग्यास्ट्रिकको समस्याका कारण पीडित छन् । अस्वस्थ खानपान र खाली पेटका कारण ग्यास्ट्रिकको समस्या उत्पन्न हुन्छ । ग्यास्ट्रिक बाट मुक्ति पाउनका लागि केहीले औंषधिहरु प्रयोग पनि गर्ने गरेका छन् । तर घरायसी उपचारले ग्यास्ट्रिक रोगमा फाइदा पुग्छ । ग्यास्ट्रिक भएकाले समय–समयमा खानेकुरा खाइरहनुपर्छ । लामो समयसम्म नखाँदा पेटमा हावा भरिएर समस्या हुन्छ । धूम्रपान, मद्यपान गर्नुहुँदैन । साथै, जंंकफुड सकभर खानुहुन्न । बढी पिरो, अमिलो, बयमको अचार, मसलेदार खाना खानबाट सजग हुनुपर्छ । बिहान उठ्नेबितिकै दुई–तीनवटा लसुनका पोटी खानुपर्छ । जसले ग्यास्ट्रिकलाई फाइदा गर्नुका साथै उच्च रक्तचापको जोखिमसमेत कम गर्दछ । पेटमा धेरै ग्यास भएका वेला कागतीपानी पिउनु उपयुक्त हुन्छ । जसले ग्यास हटाउनुका साथै पेट फुल्नसमेत दिँदैन । दुखाइ कम गर्ने औषधि सकेसम्म प्रयोग नगर्ने ।
प्रतिक्रिया दिनुहोस्