राष्ट्रपति भण्डारी औपचारिक भ्रमणका लागि कतार प्रस्थान, द्विपक्षीय सहयोग सम्बन्ध सुदृढ हुने

काठमाडौं, १२ कार्तिक । राष्ट्रपति विद्यादेवी भण्डारी औपचारिक कतार भ्रमणका लागि प्रस्थान गरेकी छन् । राष्ट्रपति भण्डारीलाई कतार प्रस्थानअघि त्रिभूवन अन्तर्राष्ट्रिय विमानस्थलमा उपराष्ट्रपति नन्दबहादुर पुनले विदाइ गरे गरे । सो समारोहमा राष्ट्रपति भण्डारीलाइ नेपाली सेनाले सलामी दिएको छ ।

कतारका अमिर सेख तमिम विन हमाम अल थानीको निमन्त्रणामा राष्ट्रपति भण्डारी कतार प्रस्थान गरेकी हुन् । उनको भ्रमणलाई आइतबार बसेको मन्त्रिपरिषद बैठकले स्वीकृत गरेको थियो ।

राष्ट्रपति विद्यादेवी भण्डारीले १५ गतेसम्म कतारको भ्रमण गर्ने कार्यतालिका रहेको छ । राष्ट्रपतिको यस औपचारिक भ्रमणले नेपाल र कतारबीच द्विपक्षीय सहयोग सम्बन्ध सुदृढ हुने राष्«पति कार्यलयलले विश्वास गरिएको छ ।

त्यस्तै कृषि तथा पशुपंक्षी विकास सम्बन्धी, स्वास्थ्य सम्बन्धी, सुरक्षा सहयोगसम्बन्धी, प्रेस तथा सूचनासम्बन्धी र कुटनीतिक राहदानी बाहकलाई प्रवेशाज्ञा छुट दिने समझदारीपत्रमा हस्ताक्षर गर्ने कार्यक्रम तय भएको राष्ट्रपति कार्यालयले जनाएको छ ।