काठमाडौं, असोज २० । सबैको मनमुटुमा बस्न सफल नेपाली लोक संगीतका लागि एउटा खाब्मा पुष्कल शर्माको अभिनयमा रहेको ‘दशा’ दशैँ गित बजारमा आएको छ ।
नेपाली मौलिक सिर्जनशिल भावका वियोगन्त भोगाईलाई समेटिएर बनेको दशैँ गितमा देशको समग्र परिस्थीति र दशैँमा गरिबले झेल्नु परेको जीवनको यथार्थ परक कथालाई समेटेर बनाइएको छ ।
नेपालीहरुको नजिकिँदै गरेको महान चाड बडा दशैँमा भोग्नु पर्ने पिडा र बेदना संगै समाजमा घटेका घटनाहरुलाई एउटा लयमा ढालेर लोक लयमा आधारित रहेर तयार पारिएको हुनाले आम दर्शक तथा स्रोताले अधिक मात्रामा मन पराउने अपेक्षा गायक तथा मोडल पुष्कल शर्माले लिएका छन् ।
मन्दीर म्युजिक कम्पनीको प्रस्तुतिमा सुनिल केसी र कमल खरलको संयुक्त पस्तुतिमा रहेको यो गितलाई गणेश अधिकारी र बिष्णु माझीले स्वरबद्ध गरेका छन् ।
दशैँ गित ‘दशामा संग्रहित गरिएको गीतमा सुनिल केसीको शब्द तथा संगीत गणेश अधिकारीको रहेको छ ।
सुरेश श्रेष्ठले छायाँकन गरेको भिडियोलाई चर्चित अनि व्यस्त सम्पदको दिपक विष्टले सम्पादन गरेका छन् ।
गीतको भिडियोमा लोकप्रिय गायक मोडेल पुस्कल शर्मा र अनु श्रेष्ठको अभिनयलाई देख्न सकिन्छ । भिडियोलाई ब्यस्त निर्देशक काजिश श्रेष्ठले निर्देशन गरेका हुन् ।
प्रतिक्रिया दिनुहोस्