चलचित्र ‘कथा काठमाण्डु’ को ट्रेलर सार्वजनिक(ट्रेलरसहित)

काठमाडौँ । रातका कुराले  रातारात चर्चामा आएको चलचित्र कथा काठमाण्डु को ट्रेलर सार्वजनिक भएको छ ।

रातका कुरा बोलको गीतमा प्रियंका कार्की र प्रमोद अग्रहरीको अभिनयले निकै चर्चा पाएको कथा काठमाण्डुको आइतबार राजधानीमा एक कार्यक्रमको आयोजना गर्दै ट्रेलर सार्वजनिक गरिएको हो ।

संगीता श्रेष्ठको लेखन तथा निर्देशनमा चलचित्र निर्माण भएको चलचित्रले काठमाण्डुको कथा बोलेको छ ।

फिल्ममा काठमाडौंमा बसोबास गर्ने ३ जोडीको जीवनमा आइपरेका समस्या र संघर्षका कथालाई उतार्ने प्रयास गरिएको छ । ट्रेलरमा प्रियंका कार्की, प्रमोद अग्रहरी, सञ्जोग कोइराला, सन्ध्या केसी, आयुष्मान देशराज जोशी र प्रेक्षा अधिकारी प्रस्तुत छन् ।

विजय राईको लगानी रहेको फिल्म असोज १२ गतेबाट अलनेपाल प्रदर्शनमा आउने पक्का भइसकेको छ । चलचित्रमा छायांकन लुज सिंहको रहेको छ भने सम्पादन मित्र गुरुङले गरेका छन् ।