पूजा र आकाशको रामकहानीको ट्रेलर सार्वजनिक(भिडियोसहित)

काठमाडौँ । अहिलेकी चर्चित नायिका पूजा शर्माको मुख्य भूमिका रहेको चलचित्र रामकहानी को ट्रेलर सार्वजनिक भएको छ । “प्रेमगीत” का निर्देशक सुदर्शन थापाले निर्देशन गरेको यो फिल्मको बिहिबार एक कार्यक्रमका बीच अफिसियल ट्रेलर सार्वजनिक भएको हो ।

आगामी भदौ २२ गतेबाट देशैभर प्रदर्शनमा आउने यो चलचित्रमा अभिनेत्री पूजा शर्मालाई आकाश श्रेष्ठले साथ दिएका छन् ।

अगामी भदौ २२ गतेबाट सार्वजनिक प्रदर्शनमा आउने यो चलचित्र प्रेमकथामा आधारित रहेको छ । फिल्ममा पूजा मायालु प्रेमिदेखि डरलाग्दो भूतको भूमिका समेत निर्वाह गरेकी छन् भने आकाशले पूजाको प्रेमिको भूमिकामा छन् । झट्ट ट्रेलर हेर्दा यो फिल्म् भुत प्रेतसँग सम्बन्धि जस्तो देखिन्छ ।  ट्रेलरमा आकाश र पूजाको अनन्तः प्रेम कहानीको चित्रण गरिएको छ ।

चलचित्रमा केदार घिमिरे ‘माग्नेबुढा’, बिल्सनविक्रम राई ‘तक्मे’, जितु नेपाल ‘मुन्द्रे’, सोभित बस्नेत, रवीन्द्र झा लगायतका कलाकारहरुले मुख्य भूमिका निर्वाह गरेका छन् ।

निर्देशक थापाले रामकहानी प्रेम र कमेडीमा आधारित चलचित्र भएको बताए । उनले चलचित्रलाई राम्रो बनाउनमा सम्पूर्ण टिमले मेहेनत गरेको भन्दै फिल्म सफल हुनेमा आफू आशावादी रहेको बताए ।

अभिनेत्री पूजा शर्माले पहिलो पटक निर्माण गरेको यो चलचित्रको कथा निर्देशक थापाले नै लेखेका हुन्।