पत्रकार ऋषि धमलाको ‘धमला धमला ऋषि धमला’ बोलको गीत सार्वजनिक (भिडियाेसहित)

काठमाडौं । पत्रकार ऋषि धमलाको ‘धमला धमला ऋषि धमला’ बोलको गीत सार्वजनिक भएको छ।
सबल र दूर्बल पक्षलार्इ समेटेर तयार पारिएको गीत मंगलबार काठमाडौँमा पत्रकार सम्मेलन गरी सार्वजनिक गरिएको हो ।

हाइलाईट्स नेपालको यूट्यूब च्यानल मार्फत् सार्वजनिक गरिएको गीतको म्यूजिक भिडियो अहिलेसम्म झण्डै २२ हजार ५ सय भन्दा बढीले हेरीसकेका छन् ।

धमलाको व्यक्तित्वमा आधारित रही बनाईएको उक्त गीत सञ्चारउद्यमी, गीतकार, संगीतकार तथा गायक सन्तोष देउजाले सार्बजनिक गरेका हुन् ।
गीतमा चर्चित लोक तथा दोहोरी गायिका राधिका हमाल र प्रदीप त्रिपाठीले आवाज भरेका छन् भने राकेश सोनीले संगीत संयोजन गरेका छन् ।

प्रकाश भट्टले निर्देशन गरेको म्युजिक भिडियोमा स्वयं ऋषि धमला र चर्चित मोडल अञ्जली अधिकारीको साथै धमला पत्नी एलिजाको पनि अभिनय रहेको छ।

ऋषि धमलाको आलोचना र प्रशंसाले भरिएको गीतको रेकर्डिङ र म्यूजिक भिडियो छायांकनकै क्रममा सामाजिक सञ्जाल, विभिन्न प्रिन्ट तथा अनलाइन मिडियामा भाइरल बनिसकेको छ ।

पत्रकार सम्मेलनमा गीतकार देउजाले छुट्टै धारमा रहेर बनेको यस गीत तथा म्यूजिक भिडियोले गीत संगीत पारखी श्रोता तथा दर्शकहरुको मन जित्ने विश्वास व्यक्त गरे ।

कुनै पत्रकारलाई केन्द्रमा राखेर तयार भएको सायद पहिलो गीत भएको र गीतलाई समसामयिक गीतको रुपमा आफूले लिएको गीतकार देउजाले बताए । यस अघि देउजाको शब्द रचना रहेका झण्डै आधा दर्जन जति गीत बजारमा आइसकेको छ ।