क्रिकेटर लामिछानेको पहिलो गीतको भिडियो सार्वजनिक (भिडियोसहित)

काठमाडौं । चर्चित क्रिकेटर संदिप लामिछानेले गाएको ‘उदाश थियो’ बोलको पहिलो अफिसियल भिडियो सार्वजनिक भएको छ। पहिलो अफिसियल भिडियो भर्खरै मात्र बजारमा आएको हो ।

यो गीतम लामिछानेको संगीत तथा विनोद तिमिल्सिनाको शब्द रहेको छ भने गीतको भिडियोमा जीवन भट्टराई र सृष्टि खड्काको फिचर्ड छ।
सनिश सुनुवारको म्युजीक एरेन्ज रहेको गीतमा अनिल धितालको संगीत सृजना रहेको छ।
विनोद तिमिल्सिनाको उत्कृष्ट संगीतमा संदिपले मिठो स्वर भरेका छन् भने जीवन भट्टराई र सृष्टि खड्कोको अभिनय पनि उत्कृष्ट देखिन्छ।

म्युजीक भिडियोमा निशान घिमिरेको निर्देशन, अर्जुन तिवारीको छायांकन तथा विकाश दहालको सम्पादन रहेको छ। छायाँकार तिवारीले पनि त्यस्तै लोभलाग्दा दृश्यहरु आफ्नो क्यामेरमा कैद गर्न सफल भएका छन्।