‘नाई नभन्नु ल ५’ मा स्वस्तीमाको प्रेममा आउने उतार चढाव

काठमाडौँ । म अन्जना, अन्जना अधिकारी । आज म तपाईँहरुलाई मेरो स्टोरी सुनाउँछु, एकदमै डिफरेन्ट छ । अन्जना अर्थात स्वस्तीमा खड्काको यहि सम्वाद बाट सिनेमा ‘नाई नभन्नु ल ५’ कोे ट्रेलरको शुरुवात भएको छ ।

२ मिनेट १९ सेकेण्ड लामो सिनेमाको ट्रेलरमा अन्जनाको प्रेममा आउने उतार चढावलाई देख्न सकिन्छ ।
सिनेमामा स्वस्तीमाको बाल्यकालको भूमिकामा नव–बालकलाकार स्याड्रिना शर्माले अभिनय गरेकी छन् । ट्रेलरमा सिनेमाका सबै मुख्य कलाकारहरुलाई स्थान दिईएको छ ।

सिनेमामा अतिथी भूमिका निर्वाह गरेकी अभिनेत्री निरुता सिंहलाई समेत ट्रेलरमा स्थान दिईएको छ । यसका अलावा सिनेमाका मुख्य कलाकारहरु दिलिप रायमाझी, प्रियंका कार्की, केकी अधिकारी, स्वस्तीमा खड्का, अनुभव रेग्मी, स्याड्रिना शर्मा सो ट्रेलरमा देखिएका छन ।