भद्र भुजेलको निर्देशन रहेको सिनेमा ‘साली कस्को भेनाको’ ट्रेलर सार्वजनिक

काठमाडौं । भद्र भुजेलको निर्देशन रहेको सिनेमा ‘साली कस्को भेनाको’ आधिकारिक ट्रेलर सार्वजनिक भएको छ । आईतबार सार्वजनिक भएको सिनेमाको ट्रेलरलाई झण्डै एक लाख भन्दा बढी पटक हेरिएको छ । सिनेमामको ट्रेलरमा साली र भेनाको सम्बन्धलाई देखाउन खोजीएको छ ।

यस सिनेमामा दिर्घ गुरुङको छायाकंन, बनिष शाहको सम्पादन, किरण तुलाधर र संदीप कार्कीको ब्याकग्राउण्ड स्कोर, रवि र प्रकाशको द्वन्द निर्देशन, बसन्त श्रेष्ठ, गम्भिर बिष्ट र सुमित लामाको कोरियोग्राफी, प्रसाद श्रेष्ठ, सुरज शाही ठकुरी र मिन घलानको संगीत, रहेको छ ।

ट्रेलरमा कलाकार विल्सन व्रिकम राई, मरिष्का पोखरेल, रजनी गुरुङ, शुष्मा कार्की, बुद्धि तामाङ, जयनन्द लामा, रवि गिरी लगायतका कलाकारलाई समेटिएको छ । पुष्प आचार्यको कथा रहेको यस सिनेमालाई रामप्रसाद श्रेष्ठ, शुशिल गोपाल, काजी मान श्रेष्ठ, कमला भट्टराई, मुक्ति अधिकारीले संयुक्त रुपमा निर्माण गरेका हुन् ।

सिनेमा ‘साली कस्को भेनाको’ आउँदो भदौ २९ गतेदेखि प्रदर्शनमा आउँने भएको छ ।