चलचित्र म्हेन्दूको फस्ट लुक सार्वजानिक, भाद्रको अन्तिम सम्म चलचित्र प्रदर्शन गरिने

काठमाडौँ । हिमाली कथाबस्तुमा बनेको चलचित्र म्हेन्दूको फस्टलुक पोस्टर सार्बजानि भएको छ ।
चलचित्रका निर्माता अर्जुन डोटेलले आफ्नो फेसबुक मार्फत चलचित्रको पोस्टर सार्बजानिक गरेका हुन् । सार्बजानिक पोस्टरले हिमाली जनजीविका र प्राकृतिक सौन्दर्यलाइ उठान गरेको छ ।

कर्णाली प्रदेशको हिमाली जिल्ला डोल्पाका विभिन्न स्थानमा छायांकन गरिएको चलचित्रले डोल्पाका स्थानिय बासिन्दाको अवस्था र भोगाइलाई चित्रण गरेको निर्माता डोटेलले बताएका छन् । देब नेपालको निर्देशनमा बनेको चलचित्र करिब एक करोडको लागतमा निर्माण भएको हो ।

भोला तिमल्सिना , रमेश सोडारी ,सोनु राइ ,राजकुमार श्रेष्ठ , बाबुराम शाक्य , बिन्दा थिङ्ग, कालु राना लगाएत कलाकार को चलचित्रमा मुख्य भूमिका रहेको छ ।

मारोन मुभीजको ब्यानरमा बनेको सो चलचित्रको माध्यमबाट उक्त स्थानको रहनसहन चालचलन रितिरिवाज भेषभुषा संगै पर्यटकीय स्थल, सास्कृतिक सम्पदा र भौगोलिक अबस्थाको सजिब चित्रण गर्ने प्रयास गरिएको निर्माता डोटेलले जानकारी दिए ।

चन्द्रमणि मुडभरी कार्यकारी निर्माता रहेको उक्त चलचित्रका बुद्धिमान तामाङ सह निर्माता हुन् । सुदिप डोटेलको प्रस्तुति चलचित्र म्हेन्दुलाइ रोहित बिक्रम कार्कीले खिचेका हुन् । राजु किरात चलचित्रका द्वन्द निर्देशक रहेका छन् ।

पुरुषोतम पौडेल रसुवा, बिमल डाँगी र सरोज कोइरालाको सब्द रहेको चलचित्रमा समाबेस गीतमा कुमार लामा योञ्जन, बिमल डाँगी र सरोज कोइरालाले संगीत गरेका छन् । मेलिना राइ , बिध्या तिवारी, कुमार लामा र सरोज कोइरालाले चलचित्रका गीतमा आवाज दिएका छन् । चलचित्र भाद्रको अन्तिम सम्ममा प्रदर्शन गरिनेछ ।