प्रधानमन्त्री शाहसँग भारतीय राजदूत सुधाकर दलेलाले शिष्टाचार भेटवार्ता

काठमाडौं, २ मंसिर । प्रधानमन्त्री वालेन्द्र शाह (बालेन) सँग नेपालका लागि नवनियुक्त भारतीय राजदूत सुधाकर दलेलाले शिष्टाचार भेटवार्ता गरेका छन् ।

प्रधानमन्त्री शाहको आसन्न भारट भ्रमणको बेला सिंहदरबारस्थित प्रधानमन्त्री तथा मन्त्रिपरिषद्को कार्यालयमा आज भएको भेटमा भारत भ्रमणबारे समेत कुराकानी भएको प्रधानमन्त्री स्रोतले जनाएको छ ।

प्रधानमन्त्री शाहले आफ्नो भारत भ्रमणको तयारीबारे राजदूत दलेलासँग जानकारी लिएको र राजदूत दलेलाले भारतीय प्रधानमन्त्री नरेन्द्र मोदीसँग हुने भेटवार्ता ऐतिहासिक र महत्त्वपूर्ण हुने बताएको प्रधानमन्त्रीको सचिवालयले जनाएको छ ।

उनले भ्रमणका एजेण्डा तय भइसकेको जानकारी गराउँदै भ्रमणलाई थप उपलब्धिमूलक बनाउन सम्बन्धित निकायहरूबीच तीव्र रूपमा गृहकार्य भइरहेको पनि बताए ।

भेटवार्तामा नेपाल र भारतबीचको ऐतिहासिक, सांस्कृतिक तथा भौगोलिक सम्बन्धलाई थप सुदृढ बनाउने विषयमा समेत छलफल भएको थियो ।

प्रधानमन्त्री शाहले दलेलालाई नेपालका लागि राजदूत नियुक्त भएकोमा बधाई दिँदै सफल कार्यकालको शुभकामना व्यक्त गरेका थिए । साथै, नेपालमा आएको रसुवा–भोटेकोशी बाढीपछि भारत सरकारले उपलब्ध गराएको सहयोगप्रति पनि प्रधानमन्त्री शाहले आभारसमेत व्यक्त गरेका थिए । यसले नेपाल भारतबीचको कुटनतिक सम्बन्धमा थप सुदृढ बनाउने विश्वास गरिएको छ ।

प्रतिक्रिया दिनुहोस्