सोलु हाइड्रो इलेक्ट्रिक कम्पनी लिमिटेडको खुद नाफा उल्लेख्य वृद्धि 

काठमाडौं, २५ साउन।अप्पर सोलु हाइड्रो इलेक्ट्रिक कम्पनी लिमिटेडले अपरिष्कृत वित्तीय विवरण प्रकाशित गरेको छ। गत आर्थिक वर्षको चौथो त्रैमाससम्मकोविवरण अनुसार कम्पनीको खुद नाफा अघिल्लो आर्थिक वर्षको सोही अवधिको तुलनामा उल्लेख्य वृद्धि भएको छ।

विद्युत बिक्री आम्दानी सामान्य बढेपनि वित्तीय खर्च घटेका कारण कम्पनीको खुद नाफा उल्लेख्य बढ्न पुगेको हो।

गत आर्थिक वर्षको चैत मसान्तसम्ममा कम्पनीले २० करोड ८७ लाख रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको तुलनामा ८४.४१ प्रतिशत बढी हो। अघिल्लो आर्थिक वर्षको सोही अवधिसम्ममा कम्पनीले ११ करोड ३२ लाख रुपैयाँ खुद नाफा कमाएको थियो।

समीक्षा अवधिमा कम्पनीको विद्युत बिक्री आम्दानी १।९७ प्रतिशत बढेको छ। त्यस्तै, कम्पनीको कुल नाफा समीक्षा अवधिमा २।२६ प्रतिशत बढेको छ। कम्पनीको वित्तीय खर्च भने समीक्षा अवधिमा २९।५८ प्रतिशत घटेको छ।

नाफासँगै कम्पनीको प्रतिशेयर आम्दानी पनि बढेको छ। समीक्षा अवधिमा कम्पनीको यस्तो आम्दानी ७ रुपैयाँ ७ पैसा बढेर १५ रुपैयाँ ४६ पैसा पुगेको छ। असार मसान्तसम्ममा कम्पनीको प्रतिशेयर नेटवर्थ ११९ रुपैयाँ २ पैसा रहेको छ भने मूल्य आम्दानी अनुपात ३१।६२ गुणा रहेको छ।

१ अर्ब ३५ करोड चुक्ता पूँजी रहेको कम्पनीको अन्य इक्विटी २५ करोड ६७ लाख रुपैयाँ रहेको छ। यसले गर्दा सेयरधनीलाई राहत भएको छ।